චීනයේ පැවැත්වෙන ජාත්යන්තර සහයෝගීතාව සඳහා වන 3 වන “එක් තීරයක් – එක් මාවතක්” සමුළුව සඳහා සහභාගී වීමට දිවයිනේන් පිටත්ව ගිය ජනාධිපති රනිල් වික්රමසිංහ මහතා ඔහු යටතේ පවතින අමාත්යාංශවල රාජ්ය අමාත්යවරුන්ට වැඩබලන අමාත්ය ධූරයන්හි වගකීම් පවරා දි තිබේ.
ඒ අනුව අද (16) සිට ක්රියාත්මක වන පරිදි රාජ්ය අමාත්ය ප්රමිත බණ්ඩාර තෙන්නකෝන් මහතා වැඩබලන ආරක්ෂක අමාත්යවරයා ලෙසත්, රාජ්ය අමාත්ය රංජිත් සියඹලාපිටිය මහතා වැඩබලන මුදල් අමාත්යවරයා ලෙසත්, රාජ්ය අමාත්ය කනක හේරත් මහතා වැඩබලන තාක්ෂණ හා ආයෝජන ප්රවර්ධන අමාත්යවරයා ලෙසත්, රාජ්ය අමාත්ය අනුප පස්කුවල් මහතා වැඩබලන කාන්තා, ළමා කටයුතු හා සමාජ සවිබල ගැන්වීම් අමාත්යවරයා ලෙසත්, වනජීවී හා වන සම්පත් සංරක්ෂණ අමාත්ය පවිත්රා වන්නිආරච්චි මහත්මිය වැඩබලන පරිසර අමාත්යවරිය ලෙසත් පත් කර ඇත.
ජනාධිපතිවරයා චීන නිල සංචාරය නිමා කරමින් නැවත ඔක්තෝම්බර් 20 වන දින දිවයිනට පැමිණිමට නියමිතයි .