පොලිස්පතිවරයා ලෙස දේශබන්දු තෙන්නකෝන් මහතා පත් කිරීම අභියෝගයට ලක් කරමින් ගොනුකර තිබෙන මූලික අයිතිවාසිකම් පෙත්සමක් සලකාබැලීම සඳහා අප්රේල් මස 02 වනදා කැඳවන ලෙස ශ්රේෂ්ඨාධිකරණය නියෝග කර ඇත.
එම පෙත්සම ප්රීති පද්මන් සූරසේන මහතා ප්රමුඛ ත්රිපුද්ගල ශ්රේෂ්ඨාධිකරණ විනිසුරු මඩුල්ල ඉදිරියේ කැඳවා තිබුණු අතර එහිදී ශ්රේෂ්ඨාධිකරණ විනිසුරු මඩුල්ල නියෝග කළේ වගඋත්තරකරුවන්ට නොතිසි යැවීමට පියවර ගන්නා ලෙසයි .
මහාචාර්ය සාවිත්රී ගුණසේකර මහත්මිය විසින් ඉදිරිපත් කර තිබු මෙම පෙත්සම සලකාබැලීම සඳහා අප්රේල් මස 02 වනදා කැඳවන ලෙස අධිකරණය නියෝග කර ඇත.
පෙත්සම්කාරිය කියා සිටින්නේ පොලිස්පතිවරයා වශයෙන් පත් කිරීම සඳහා ජනාධිපතිවරයා විසින් නිර්දේශ කරනු ලැබූ දේශබන්දු තෙන්නකෝන් මහතාගේ නාම යෝජනාව ආණ්ඩුක්රම ව්යස්ථාදායක සභාව විසින් විධිමත් ආකාරයෙන් අනුමත කර නොමැති බවයි.