නව අධ්යාපන ප්රතිසංස්කරණ යටතේ 2026 වසරේ සිට සාමාන්ය පෙළ විෂය ධාරාවන් සංඛ්යාව හතකට සීමා වන බවත් A,B,C යනුවෙන් කුසලතා සාමාර්ථයන් ලබාදීම සම්පූර්ණයෙන්ම අහෝසි වන අධ්යාපන ප්රතිසංස්කරණය පිළිබඳ විශේෂ කමිටුවේ මහාචාර්ය ගුණපාල නානායක්කාර මහතා සදහන් කරයි .
සාමාන්ය පෙළ විභාගයෙන් කිසිදු සිසුවෙකු අසමත් නොවන ක්රමයකට එනම් GPA හෙවත් Grade Point Average නම් කාර්ය සාධක ලකුණක් ලබාදීමට කටයුතු කර තිබෙන බවත් 2026 වසරේ සිට සාමාන්ය පෙළ විභාගය විභාග දෙපාර්තමේන්තුව මඟින් පවත්වන්නේ විද්යාව, ගණිතය, මව් භාෂාව, ඉංග්රීසි, ආගම හා සාරධර්ම අධ්යාපනය, තොරතුරු තාක්ෂණය හා ඉතිහාසය යන විෂයන් සඳහා පමණක් වීම විශේෂත්වයක්.
මීට අමතරව තමන් කැමැති තවත් විෂයන් තුනක් සඳහා සිසුන්ට පෙනී සිටීමට අවස්ථාව ඇති අතර, එය පවත්වන්නේ 350ක් වූ පාසල් ඇගැයීම් හා අධ්යාපන මණ්ඩල හරහාය.
මේ ක්රමවේදයට අනුව කිසිදු සිසුවෙකු සාමාන්ය පෙළ විභාගය අසමත් නොවන අතර සෑම සිසුවෙකුම යම් ලකුණු පරාසයකට ඇතුළත්ව සමත් වනු ඇති බවයි සඳහන් වන්නේ.
එහිදී අඩු කාර්ය සාධන පරිමාවකට ඇතුළත් වන සියලු සිසුන් සඳහා වෘත්තීය පාඨමාලා ද අලුතින් එක් කිරීමට නියමිත බව පැවසෙයි.
මෙමඟින් වර්ෂයකට සාමාන්ය පෙළ විභාගයට පෙනී සිටින සියලු සිසුන්ට උසස් පෙළ හැදෑරීමට හැකි වන බවයි,අධ්යාපන ප්රතිසංස්කරණ පිළිබඳ විශේෂඥ කමිටුවේ මහාචාර්ය ගුණපාල නානායක්කාර තවදුරටත් සදහන් කරයි .