ජනතා අපේක්ෂා ඉටුවන රාජ්යයක් නිර්මාණය කිරීමට රාජ්ය නිලධාරීන් කැපවිය යුතු බව ජනාධිපති අනුර කුමාර දිසානායක මහතා පවසා සිටියා …
ජනාධිපතිවරයා මේ බව සඳහන් කර සිටියේ, මුදල් ක්රම සම්පාදන සහ ආර්ථික සංවර්ධන අමාත්යවරයා ලෙස එම ආමාත්යාංශයේ දී වැඩ භාරගැනීමෙන් අනතුරුවයි..
පසුගිය ජනවරම තුළ ජනතාව තැබු අපේක්ෂාවන් ඉටු කිරීමට වත්මන් රජය අපොහොසත් වුවහොත් ජනතාව සුබවාදී අනාගතයක් පිළිබඳ සිහින දැකීම ද අතහරින බවත් ආර්ථික කඩා වැටීම හමුවේ රට මුදා ගැනීමට මුදල් අමාත්යාංශයේ නිලධාරින් ලබා දුන් දායකත්වය පිළිබඳව තමා කෘතවේදී වන බවත් සදහන් කර සිටියා..
මෙහිදී වැඩිදුරටත් අදහස් දැක්වූ ජනාධිපතිවරයා ….
දේශපාලන වෙනස්වීම්වලදී රාජ්ය නිලධාරීන් පිළිබඳ පූර්ව චිත්රණයක සිට කටයුතු කළ ඉතිහාසයක් අපේ රටේ තිබෙන නමුත් අද සිට රාජ්ය නිලධාරින්ගේ හොඳ නරක මනින නිර්ණායකය බවට පත් වන්නේ ඔවුන් ලබාදෙන දායකත්වය මත බවත් සදහන් කළා..
රාජකාරී ඉටු කිරීමේ දී රාජ්ය නිලධාරින්ට කොතැනක හෝ යම් අසාධාරණයක් හෝ අකටයුත්තක් සිදුවන්නේ නම් ඒ වෙනුවෙන් පෙනී සිටිමට තමා සුදානම් බවද ජනාධිපතිවරයා අවධාරණය කළා…
ආදායම් උපයන දෙපාර්තමේන්තු පිළිබඳ ජනතාව තුළ ඇත්තේ යහපත් චිත්රයක් නොවන අතර එය වෙනස් කිරීමට අසීරු වුවද තමන් පිළිබඳ යම් අයහපත් චිත්රයක් තිබේ නම් එය වෙනස් කර ගැනීමට සියලු නිලධාරින්ට නව රජය යටතේ අවස්ථාව ලැබී ඇති බව ද ජනාධිපතිවරයා පෙන්වා දුන්නා …
මාධ්ය ඉදිරියේ නිලධාරින්ට තර්ජනය කිරීම, ඔවුන්ගේ අදහස් නොතකා හැරීම වැනි න්යායන් තම රජයේ ප්රතිපත්තිය නොවන බවත්, ස්වයං විනයක් සහ ස්වයං වගවීමක් නිර්මාණය කර ගැනීම නව පරිවර්තනයේ ප්රවේශය බවත් සඳහන් කළ ජනාධිපති අනුර කුමාර දිසානායක මහතා ඒ වෙනුවෙන් එක්වන ලෙස ද මෙහිදී සියලු රාජ්ය නිලධාරීන්ට ආරාධනා කළා…
නියෝජ්ය අමාත්යවරුන් වන මහාචාර්ය අනිල් ජයන්ත ප්රනාන්දු, ආචාර්ය හර්ෂණ සූරියප්පෙරුම, ජනාධිපති ලේකම් ආචාර්ය නන්දික සනත් කුමානායක යන මහත්වරුන් සහ මුදල් අමාත්යාංශයේ ලේකම් මහින්ද සිරිවර්ධන මහතා ඇතුළු එහි ජ්යෙෂ්ඨ නිලධාරිහු ද මෙම අවස්ථාවට එක්ව සිටියහ.