මෙවර පාර්ලිමේන්තුවට තේරී පත් වූ පාර්ලිමේන්තු මන්ත්රී වෛද්ය අර්චුනා රාමනාදන් මන්ත්රීවරයාගේ ක්රියාකලාපය සම්බන්ධයෙන් ඔහු සමග සාකච්ඡා කිරීමට බලාපොරොත්තු වන බව කථානායක අශෝක රංවල මහතා පවසයි.
පාර්ලිමේන්තුවේ මංගල සැසිවාරයේදී මන්ත්රීවරයා විපක්ෂ නායකවරයාගේ අසුනේ අසුන් ගැනීම මෙන්ම ජාතිවාදය ඇති වන ආකායෙන් ප්රකාශ නිකුත් කිරීම හේතුවෙන් මේ වන විට ඔහු සම්බන්ධයෙන් කතාබහක් මතුව ඇත ..
ඒ අනුව මේ පිළිබඳව මන්ත්රීවරයා සමග සාකච්ඡා කර ඉදිරි ක්රියාමාර්ග ගන්නා බව කථානායකවරයා සඳහන් කරයි ..
ඊයේ (24) පස්වරුවේ මහනුවර ප්රදේශයේ සිදුකළ සංචාරයෙන් අනතුරුව මාධ්ය වෙත අදහස් දක්විමින් කථානායන අශෝක රංවල මහතා මේ බව පදසන ලදි.
“ඔහුගේ අභිලාෂය කුමක් ද කියලා අපි දන්නේ නෑ තනි පුද්ගලයෙක් විදියට. ඔහු නියෝජනය කරපු ජනතාවගේ අභිලාෂය ඉතාමත් පැහැදිලියි. එහෙම දෙයක් අද රට තුළ බලාපොරොත්තු වෙන්නේ නෑ.. ඒ ජනතාව උතුර, බටහිර හරි නැගෙනහිර හරි වෙන්න පුළුවන්, සෑම ජනතාවක්ම බලාපොරොත්තු වෙන්නේ සමගියෙන් රට දියුණු කරන්න මැදිහත් වෙනවා කියලා. ඒක තනි පුද්ගලයෙක් කරපු දෙයක් විදියට තමා අපි දන්නේ. ඒ සම්බන්ධයෙන් අපි ඔහු සමග කතා කරලා ඔහුගේ ෆේස්බුක් ගිණුම් සියල්ල අපි පරීක්ෂා කළා. ඔහු සමග කතා කරන්නත් පුළුවන් අපි බුද්ධිමත්ව කටයුතු කරලා ඉදිරියේ දී මේ ගැන පැහැදිලි කරගමු.”