රුපියලේ අගය අවප්රමාණය වීම ඉල්ලුම සැපයුම මත ඇතිවූ සාමාන්ය තත්ත්වයක් බව මුදල් රාජ්ය අමාත්ය රංජිත් සියඹලාපිටිය පවසනවා.
ඒ අනුව පසුගිය දින කිහිපය තුළ ඛනිජ තෙල් සංස්ථාවට ඉන්ධන මිලදී ගැනීම සඳහා ඩොලර් මිලියන 80 ක් පමණ එකවර අවශ්ය වූ බවත්, පසුව ඔවුන් වෙළඳපොලෙන් හා මහ බැංකුවෙන් එය ලබාගත් බවද රාජ්ය අමාත්යවරයා සඳහන් කළා.
එසේම ඩොලර්වල ආයෝජනය කරන පිරිස්ද වෙළඳපොලෙන් ඩොලර් මිලදී ගැනීම යන කරුණු හේතුවෙන් ඩොලර්වල මිල ඉහළ යාමට හේතුවූ බවයි රාජ්ය අමාත්යවරයා සඳහන් කළේ.
මේ අතර මෙම අවස්ථාවේ රථ වාහන ආනයනයට අවස්ථාව ලබාදිය නොහැකි බවයි මුදල් රාජ්ය අමාත්ය රංජිත් සියඹලාපිටිය වැඩිදුරටත් සඳහන් කළේ.