ජාතික පොලිස් කොමිසම ගත් තීරණය අභියෝගයට ලක් කරමින් අපරාධ පරීක්ෂණ දෙපාර්තමේන්තුවේ හිටපු අධ්යක්ෂ ජ්යෙෂ්ඨ පොලිස් අධිකාරී ශානි අබේසේකර ගොනු කළ මූලික අයිතිවාසිකම් පෙත්සම ඉදිරියට ගෙන යෑමට ශ්රේෂ්ඨාධිකරණය අවසර ලබා දි ඇත .
ආණ්ඩුක්රම ව්යවස්ථාවේ 12(1) සහ 14(1)(උ) වගන්ති යටතේ සහතික කර ඇති මූලික අයිතිවාසිකම් කඩකිරීම සම්බන්ධයෙන්… විජිත් මලල්ගොඩ, කුමුදුනී වික්රමසිංහ සහ මහින්ද සමයවර්ධන යන ශ්රේෂ්ඨාධිකරණ ත්රිපුද්ගල ශ්රේෂ්ඨාධිකරණ විනිසුරු මඩුල්ල විසින් මෙම අවසර ලබා දී තිබේ.
2019 නොවැම්බර් 21 වැනි දින පැවති ජනාධිපතිවරණයේ ප්රතිඵල නිකුත් වී දින හතරකට පසු තමා වහාම ක්රියාත්මක වන පරිදි ගාලු ප්රදේශය භාර නියෝජ්ය පොලිස්පතිවරයාගේ පෞද්ගලික සහකාර ලෙස ස්ථාන මාරු කර ඇති බවට දුරකථන පණිවුඩයක් ලැබුණු බව පෙත්සම්කාර ශානි අබේසේකර ප්රකාශ කරන ලදි.
තමා දන්නා පරිදි ශ්රී ලංකා පොලිස් ඉතිහාසයේ ජ්යෙෂ්ඨ පොලිස් අධිකාරීවරයකු නියෝජ්ය පොලිස්පතිවරයකුගේ පෞද්ගලික සහකාරවරයකු ලෙස පත්කළ පළමු අවස්ථාව මෙය බව ඔහු පවසයි.
මෙම ස්ථාන මාරු කිරීමට හේතුව තමන් නොදන්නා බවත් එම තත්ත්වය යටතේ එවැනි ස්ථාන මාරුවක් හේතුවක් නොමැති ස්ථාන මාරුවක් ලෙස පවතින බවත් පෙත්සම්කරු සඳහන් කර සිටියා
2020 ජනවාරි 7 දිනැති ලිපිය මගින් ජාතික පොලිස් කොමිසම විසින් වහාම ක්රියාත්මක වන පරිදි පෙත්සම්කරු පොලිස් මූලස්ථානයට මාරු කිරීමෙන් පසු තමන්ගේ වැඩ තහනම් කරන ලෙස පොලිස්පතිවරයාට නියෝග කර ඇති බව ද පෙත්සම්කරු පවසයි.
ඔහුගේ මූලික අයිතිවාසිකම් උල්ලංඝනය කිරීම සම්බන්ධයෙන් ශානි අබේසේකර වගඋත්තරකරුවන්ගෙන් රුපියල් මිලියන 10 වන්දියක් ඉල්ලා සිටින අතර එහි වගඋත්තරකරුවන් ලෙස හිටපු පොලිස්පති චන්දන වික්රමරත්න, ජාතික පොලිස් කොමිසමේ සාමාජිකයන්, ජාතික මැතිවරණ කොමිසමේ සභාපති, ආරක්ෂක අමාත්යාංශ ලේකම්වරයා ඇතුළු කිහිප දෙනෙකු පෙත්සම්කරු විසින් නම් කර ඇත.
ශානි අබේසේකර වෙනුවෙන් නීතිඥ මංජුල බාලසූරියගේ උපදෙස් මත ජනාධිපති නීතිඥ සාලිය පීරිස් පෙනී සිටියේය.