ජාත්යන්තර මූල්ය අරමුදල හා ශ්රී ලංකාව අතර කාර්ය මණ්ඩල මට්ටමේ ගිවිසුම අත්සන් කිරිම සැප්තැම්බර් 26 වන දා සිදු කිරීමට නියමිතව ඇත .
මුදල් අමාත්යවරයා ලෙස ජනාධිපති රනිල් වික්රමසිංහ මහතා ජාත්යන්තර මුල්ය අරමුදලේ නිලධාරීන් සමග මෙම ගිවිසුමට සිදු කරයි .
ජාත්යන්තර මූල්ය අරමුදලේ දෙවැනි ණය වාරිකය ශ්රී ලංකාවට ලැබෙන්නේ මෙම ගිවිසුම අත්සන් තැබීමෙන් අනතුරුවයි.
ජාත්යන්තර මූල්ය අරමුදලේ ප්රධානීන් සහ රජය අතර සාකච්ඡා මේ දිනවල කොළඹදී පැවැත්වෙන අතර ජනාධිපති නියෝජිත ලෙස ජනාධිපති කාර්ය මණ්ඩල ප්රධානී සාගල රත්නායක මහතා මෙම සාකච්ඡා වලට සහභාගී වෙ.
මෙම සාකච්ඡා වලදී ජාත්යන්තර මූල්ය අරමුදලේ නියෝජිතයන් ශ්රී ලංකාව මෙ වන විට සිදු කර ඇති තත්ත්වයන් ගැන සතුට පළ කර ඇති නමුත් යම් යම් ක්ෂේත්ර වල පවතින මන්දගාමී ස්වභාවය ගැන ද කරුණු දක්වා ඇත
රාජ්ය ආදයම් ඉහල නැංවීමේ ඉලක්කය එලෙසින්ම සම්පූර්ණ කරගෙන නොමැති බව අයි.එම්.එෆ් නියෝජිතයන් මෙහිදී පෙන්වා දී තිබේ.
මෙහිදි සාගල රත්නායක මහතා ප්රකාශ කර ඇත්තේ එම වැඩපිළිවෙල ගැන සම්පූර්ණ වගකීම රජය විසින් ක්රියාත්මක කරන බවත් ඒ ගැන කිසිදු සැකයක් තබා නොගන්නා ලෙසත්ය. එසේම දෙපාර්ශවය හොඳ අවබෝධයකින් මෙම කටයුතු කරගෙන යා යුතු බව ද රත්නායක මහතා පෙන්වා දුන්නේය.
රටට සපුරා ගැනීම සඳහා ඉලක්ක දෙන විට ප්රායෝගික විය යුතු බව පෙන්වා දී ඇති සාගල රත්නායක මහතා බදු අය කරද්දී ප්රායෝගික විය යුතු බවද පෙන්වා දී ඇත. ඊට උදාහරණ ලෙස ඔහු පෙන්වා දී ඇත්තේ මත්පැන් මත බදු වැඩි කරද්දී අලෙවිය අඩුවී නීති විරෝධි මත්පැන් වෙත ජනතාව යොමුවී ඇති බවයි. එසේම ආදායම් අඩුවීමට ආනයන සීමාව හේතුවක් බව ද රත්නායක මහතා කියා තිබේ.
ජනතාවට දැරිය නොහැකි මට්ටමට බදු පනවා තිබෙන බව පෙන්වා දී ඇති සාගල රත්නායක මහතා රජයේ ආදායම් වැඩිවීමට නම් ආයෝජන ද පැමිණිය යුතු බව කියා තිබේ.
මෙහිදි ජාත්යන්තර මූල්ය අරමුදල පෙන්වා දී ඇත්තේ ශ්රී ලංකා රජය මින් පෙර ගිවිසුම් අතරමඟ අතහැර දැමීම හේතුවෙන් මෙවර දැඩි කොන්දේසි පැනවීම සිදුවූ බවයි.