ගතවු පැය 24 ක කාලය තුළ දිවයින පුරා සිදුකරන ලද විශේෂ මෙහෙයුම්වලදී සැකකරුවන් 2,121 ක් අත්අඩංගුවට ගත් බව පොලිස් මාධ්ය ප්රකාශක ජ්යේෂ්ඨ නියෝජ්ය පොලිස්පති නිහාල් තල්දුව මහතා පවසයි.
එම පිරිසෙන් සැකකරුවන් 12 දෙනෙකු සම්බන්ධයෙන් රැඳවුම් නියෝග මත විමර්ශන සිදුකරන බවත් සැකකරුවන් 5 දෙනෙකු සම්බන්ධයෙන් වත්කම් විමර්ශන ආරම්භ කර ඇති බවත් ජ්යේෂ්ඨ නියෝජ්ය පොලිස්පති නිහාල් තල්දුව මහතා සදහන් කර සිටියා.
එසේම පුනරුත්ථාපනය සඳහා පුද්ගලයන් 133 දෙනෙකු යොමු කර ඇති බවත් පොලිස් මත්ද්රව්ය නාශක කාර්යංශය සහ විශේෂ කාර්යංශය ලේඛනගත සැකකරුවන්ගේ ලැයිස්තුවේ සිටි සැකකරුවන් 116 දෙනෙක් ද අත්අඩංගුවට ගත් බව පොලීසිය පවසයි.
හෙරොයින් 2kg 232g, අයිස් 769g, ගංජා 178kg 916g, ගංජා පැළ 30,550ක්, ඈෂ් 35kg 89g, මාවා 626g, තූල් මත්ද්රව්ය 102g ක් සහ මත්පෙති 3,489ක් මෙලෙස පොලිස් භාරයට ගෙන ඇත.