ICC ලෝක කුසලාන ක්රිකට් තරගාවලියේ සුදුසුකම් ලබා ගැනීමේ තරගාවලියේ ඊයේ (26) පැවති තරග දෙකෙන් ජය ගැනීමට සිම්බාබ්වේ කණ්ඩායම හා නෙදර්ලන්ත කණ්ඩායම සමත් වුණා.
ඒ අනුව සිම්බාබ්වේ කණ්ඩායම හා අමෙරිකා කණ්ඩායම අතර පැවති තරගයේ කාසියේ වාසිය දිනාගත් අමෙරිකා කණ්ඩායම පළමුවෙන් පන්දුවට පහරදීමට සිම්බාබ්වේ කණ්ඩායමට ආරාධනා කළ අතර ඔවුන් සිය පන්දුවාර 50 තුළ කඩුලු 6 ක් දැවී ලකුණු 408 ක් ලබා ගත්තා.
පිළිතුරු ඉනිම ක්රීඩා කළ අමෙරිකා කණ්ඩායමට පන්දුවාර 26 ක් තුළ සියලුදෙනා දැවී ලබා ගැනීමට හැකියාව ලැබුණේ ලකුණු 104 ක් පමණක් වන අතර ඒ අනුව ලකුණු 304 ක විශිෂ්ට ජයක් ලබා ගැනීමට සිම්බාබ්වේ කණ්ඩායම සමත් වුණා.
මේ අතර බටහිර ඉන්දීය කොදෙව් කණ්ඩායම හා නෙදර්ලන්තය අතර පැවති තරගයේ කාසියේ වාසිය දිනාගත් නෙදර්ලන්ත කණ්ඩායම පළමුවෙන් පන්දුවට පහරදීමට බටහිර ඉන්දීය කොදෙව් කණ්ඩායමට ආරාධනා කළ අතර ඔවුන් සිය පන්දුවාර 50 තුළ කඩුලු 6 ක් දැවී ලකුණු 374 ක් ලබා ගත්තා.
පිළිතුරු ඉනිම ක්රීඩා කළ නෙදර්ලන්ත කණ්ඩායම අවසන් පන්දුවාරයේ අවසන් පන්දුවේදී ලකුණු සම කිරීමට සමත්වූ අතර ඒ හේතුවෙන් තරගයේ ජයග්රහණය තීරණය කිරීමට සුපිරි පන්දුවාරයක් යැවීමට තීරණය කළා.
ඒ අනුව සුපිරි පන්දුවාරයේදී නෙදර්ලන්තය ලකුණු 30 ක් ලබාගත් අතර කොදෙව් කණ්ඩායමට ලබා ගැනීමට හැකියාව ලැබුණේ ලකුණු 8 ක් පමණයි.
ඒ අනුව තරගයේ ජය නෙදර්ලන්ත කණ්ඩායම ලබා ගත්තා.