ඉන්දීයාව සහ ශ්රී ලංකාව අතර සබඳතා තවදුරටත් ශක්තිමත් ඉදිරියේ දී ගෙනයමට ජනාධිපති රනිල් වික්රමසිංහ මහතාගේ පසුගිය ඉන්දීය නිල සංචාරය වැදගත් වු බව ජාතික ආරක්ෂාව පිළිබඳ ජනාධිපති ජ්යෙෂ්ඨ උපදේශක හා ජනාධිපති කාර්ය මණ්ඩල ප්රධානි සාගල රත්නායක මහතා පවසයි .
දෙරට අතර වඩා පුළුල් සහයෝගයකින් කටයුතු කිරීමට අපේක්ෂා කරන බවත් .ඉන්දීය රජය විසින් ශ්රී ලංකාවට ලබාදී ඇති ඩෝනියර් 228 සමුද්රීය නිරීක්ෂණ ගුවන් යානය වාර්ෂික නඩත්තු සේවා කටයුතු සඳහා ඉන්දියාවට පිටත් කර හැරීම හා ඒ වෙනුවෙන් අනුයුක්ත කරනු ලැබූ ඩෝනියර් සමුද්රීය නිරීක්ෂණ ගුවන් යානය ශ්රී ලංකා ගුවන් හමුදාව වෙත භාරදීම වෙනුවෙන් කටුනායක ශ්රී ලංකා ගුවන් හමුදා කඳවුරේ පැවති උත්සවයට සහභාගී වෙමින් වැඩිදුරටත් ප්රකාශ කලා.
ශ්රී ලංකා රජයේ ඉල්ලීමකට ප්රතිචාර දක්වමින් ඉන්දියානු නාවික හමුදාවට අයත් ඩෝනියර් 228 සමුද්රීය නිරීක්ෂණ ගුවන් යානය වසර දෙකක කාලයක් සඳහා 2022 අගෝස්තු 15 වන දින ශ්රී ලංකා ගුවන් හමුදාවට භාර දෙනු ලැබීය.
එම සමුද්රීය නිරීක්ෂණ ගුවන් යානය වසරක කාලයක් සක්රීය සේවයේ යෙදෙමින් සුවිශේෂී සේවාවක් ඉටු කරනු ලැබූ අතර එම ගුවන් යානයේ වාර්ෂික අනිවාර්ය නඩත්තු සේවා කටයුතු සඳහා ඉන්දියාව වෙත යැවීමට කටයුතු කරන ලදී. එම ගුවන් යානය වෙනුවට අනුප්රාප්තික ඩෝනියර් 228 සමුද්රීය නිරීක්ෂණ ගුවන් යානය මෙලෙස ශ්රී ලංකා ගුවන් හමුදාව වෙත ලබා දී තිබේ.