කොළඹ නගරය ස්ථාපිත කර ඇති CCTV කැමරා මඟින් ලබා ගන්නා දර්ශනවලට අනුව රථ වාහන වැරදි සිදුකළ රියදුරන් 4,048 කට වැඩි පිරිසකට එරෙහිව නීතිමය ක්රියාමාර්ග ගෙන ඇති බව පොලීසිය සඳහන් කරයි.
පසුගිය වසරේ පෙබරවාරි මස පළමුවන දින සිට ආරම්භ කර ඇති CCTV කැමරා මඟින් රථ වාහන වැරදි හඳුනාගැනීමේ මෙම වැඩසටහන අනුව මෙම වසරේ අප්රේල් මස 20 වනදා දක්වා කාලය තුළ මාර්ග නීති උල්ලංඝනය කළ රියදුරන් 4,048 දෙනෙකුට එරෙහිව දඩ හෝ අධිකරණ ක්රියාමාර්ග ගෙන ඇති බව පොලීසිය සඳහන් කරයී ..
මෙම වැඩපිළිවෙළ අඛණ්ඩව ඉදිරියට ක්රියාත්මක කිරීමට සැලසුම් කර ඇති බවත් අදාළ රියදුරන්ගේ නිවෙස් වෙත එම රථ වාහන වැරදි සම්බන්ධයෙන් දැනුම් දී නීතිමය ක්රියාමාර්ග ගෙන ඇති බවත් පොලීසිය සඳහන් කරයි…
නිසි ලෙස අයිතිය පවරා නොමැති රථවාහන 241 කට එරෙහිව නීතිමය ක්රියාමාර්ග ගෙන ඇති බවත් වාහනයක් විකිණීමේ දී අයිතිය පැවරීම අනිවාර්යෙන් සිදුකළ යුතු බවත් පොළිසිය සඳහන් කරයි….