ධම්මික පෙරේරාට අයත් hayleys සමාගමට අයත් පූර්ණ දේශීය සමාගමක් මගින් ලංකා ඉතිහාසයේ රාජ්ය හෝ පෞද්ගලික අංශය යටතේ මෙගාවොට් 5 (5 MW) ධාරිතාවෙන් යුතු ටර්බයින භාවිතයෙන් නිමකළ ප්රථම සුළං බල ව්යාපෘතිය ඊයේ (15) පෙරවරුවේ ජනාධිපති අනුර කුමාර දිසානායක මහතාගේ ප්රධානත්වයෙන් නිල වශයෙන් ආරම්භ කෙරිණි.
වසර 2050 වන විට ශුද්ධ ශුන්ය කාබන් විමෝචන ඉලක්කය සපුරා ගැනීමේ රජයේ වැඩපිළිවෙළට අනුකූලව මන්නාරමේ ඉදිකළ, මෙගාවොට් 20 ක ධාරිතාවයකින් යුත් ‘මන්නාරම වින්ඩ්ස්කේප්’ සුළං විදුලි බලාගාරය මෙරට බලශක්ති ඉතිහාසයේ පළමු එක් ටර්බයිනයක ධාරිතාව මෙගාවොට් 05 ක් වූ විශාලතම සුළං ටර්බයින 04 කින් සමන් විත බලාගාරය වේ..
බලශක්ති අමාත්ය ඉංජිනේරු කුමාර ජයකොඩි, බලශක්ති නියෝජ්ය අමාත්ය අර්කාම් ඉල්යාස් යන මහත්වරු සහ ප්රදේශයේ මහජන නියෝජිතයන්ද, ආරක්ෂක අමාත්යාංශයේ ලේකම් විශ්රාමික එයාර් වයිස් මාර්ෂල් සම්පත් තුයියකොන්තා, පොලිස්පති ප්රියන්ත වීරසූරිය යන මහත්වරු ඇතුළු ආරක්ෂක අංශ ප්රධානිහුද, මන්නාරම දිස්ත්රික් ලේකම් කේ. කනකේෂ්වරන්, ලංකා විදුලිබල මණ්ඩලයේ සාමාන්යාධිකාරී ඉංජිනේරු ශර්ලි කුමාර, ශ්රී ලංකා සුනිත්ය බලශක්ති අධිකාරියේ සභාපති මහාචාර්ය විජේන්ද්ර බණ්ඩාර යන මහත්වරුද, මෙම අවස්ථාවට එක්ව සිටියහ.