මෙරට ජල සම්පාදන ක්ෂේත්රයේ නව ප්රතිසංස්කරණ කටයුතු හා වැඩසටහන් වලට මෙන්ම ජාතික ජල සම්පාදන හා ජලාප්රවාහන මණ්ඩලයේ ධාරිතාව ඉහළ නංවා ගැනීමේ ව්යාපෘති සඳහා අවශ්ය දැනුම හා තාක්ෂණික සහාය ලබාදීමට ආසියානු සංවර්ධන බැංකුව කැමැත්ත පළ කර ඇත.
ජාතික ආරක්ෂාව පිළිබඳ ජනාධිපති ජ්යෙෂ්ඨ උපදේශක හා ජනාධිපති කාර්ය මණ්ඩල ප්රධානි සාගල රත්නායක මහතා සහ ආසියානු සංවර්ධන බැංකුවේ නේවාසික දූත මණ්ඩල අධ්යක්ෂ ටකෆුමි කඩොනො (Takafumi kadono) මහතා අතර ඊයේ ජනාධිපති කාර්යාලයේ පැවති හමුවේ දී මේ පිළිබඳ දීර්ඝ ලෙස සාකච්ඡා කර ඇත .
මෙරට ජල සම්පාදන ක්ෂේත්රෙයේ කටයුතු පිළිබඳව සැලසුම් හා අධීක්ෂණ රාමුව ද, ඊට අදාළ ඉදිරි පියවර පිළිබඳ ඉතා පුළුල් ලෙස මෙහිදී විමසා බැලිය .
මෙහි ප්රගතිය මාසිකව සමාලෝචනය කිරීමට ද නිලධාරීන්ට උපදෙස් දුන් සාගල රත්නායක මහතා වැඩසටහන සාර්ථක කර ගැනීමට ආසියනු සංවර්ධන බැංකුව මගින් ලබාදෙන සහාය පිළිබඳ ස්තූතිය පළ කළේය.
ජල සම්පාදන සහ වතු යටිතල පහසුකම් සංවර්ධන අමාත්ය ජීවන් තොණ්ඩමන්, අග්රාමාත්ය ලේකම් අනුර දිසානායක, ආර්ථික කටයුතු පිළිබඳ ජනාධිපති ජ්යෙෂ්ඨ උපදේශක ආචාර්ය ආර්.එච්. එස් . සමරතුංග යන මහත්වරුන් ඇතුළු අදාළ ආයතනවල රාජ්ය නිලධාරීහු මෙම සාකච්ඡාවට එක්ව සිටියහ.