ක්රීඩා විශ්වවිද්යාලය කඩිනමින් ස්ථාපිත කිරීමට පියවර ගන්නා බව තරුණ හා ක්රිඩා රාජ්ය අමාත්ය රෝහණ දිසානායක පවසයි .
ජනාධිපති රනිල් වික්රමසිංහ මහතාගේ උපදෙස් පරිදි ක්රීඩාවේ ප්රවීණතාව සමඟ උපාධිය සම්පූර්ණ කිරීමට අවස්ථාව සලසා දෙමින් යෝජිත ක්රීඩා විශ්ව විද්යාලයේ කටයුතු කඩිනම් කිරීමට පියවර ගෙන තිබෙන බව රෝහණ දිසානායක මහතා වැඩි දුරටත් පැවසීය .
ඔහු මේ බව සඳහන් කර සිටියේ ‘ස්ථාවර රටකට සැවොම එක මඟකට’ මැයෙන් ජනාධිපති මාධ්ය කේන්ද්රයේ දි පැවති ප්රවෘත්ති සාකච්ඡාවට එක්වෙමිනි.
ජාතික ක්රීඩා සභාව මගින් ක්රීඩා ක්ෂේත්රයේ ගැටලු රැසකට ප්රායෝගික විසඳුම් ලබා දී තිබෙන අතර දියගම මහින්ද රාජපක්ෂ ක්රීඩා සංකීර්ණය වැඩිදියුණු කරමින් එම ක්රීඩා විශ්වවිද්යාලය පිහිටුවීමට සැලසුම් කර තිබෙන බවත් සදහන් කරන ලදී .
පාසල් සහ ප්රාදේශීය මට්ටමින් දක්ෂ ක්රීඩක ක්රීඩිකාවන් හඳුනාගෙන ඔවුන්ගේ දක්ෂතාවන් වැඩිදියුණු කිරීමට අවශ්ය පහසුකම් ලබාදීම අපේක්ෂා කරන බවත් රාජ්ය අමාත්යවරයා පවසයි .
එසේම ජාත්යන්තර ක්රීඩා තරගාවලි සඳහා ක්රීඩක ක්රීඩිකාවන් තෝරා ගැනීමේ දී දේශපාලන මැදිහත්වීමක් සිදුවන බවට මෙතෙක් නැගුණ චෝදනාව අවසන් කරමින් ජාතික ක්රීඩා සභාව පිහිටුවීමට රජය පියවර ගෙන තිබෙන බව සඳහන් කළ රාජ්ය අමාත්යවරයා නව ජාතික ක්රීඩා සභාව අත්දැකීම් සහිත ක්රීඩක ක්රීඩිකාවන්ගෙන් මෙන්ම පළපුරුදු වෘත්තිකයන්ගෙන් සමන්විත බවත් මෙරට ශක්තිමත් ක්රීඩා සංස්කෘතියක් ගොඩනැඟීමට එය ඉවහල් වනු ඇති බවත් සඳහන් කළේය.