ශ්රී ලංකාවේ ආර්ථික ගොඩනැංවිමට සහාය දැක්වීමට ප්රංශයේ කැපවීම යළි සහතික කරමින් ප්රංශ ජනාධිපති එමානුවෙල් මැක්රෝන් මහතා අද ශ්රී ලංකාවට පැමිණියා.
ණය ප්රශස්කරණ වැඩපිළිවෙළේ දී ශ්රී ලංකාවට ප්රංශයේ සහායත්
දෙරට අතර ද්විපාර්ශ්වික සබඳතා නව ක්ෂේත්ර රැසක් ඔස්සේ ශක්තිමත් කර ගැනීම පිළිබඳවත් නායකයෝ දෙපල සාකච්ඡා කලා
ප්රංශ ජනාධිපතිවරයෙක් මෙරට සංචාරයක නිරත වූ පළමු අවස්ථාව සනිටුහන් කරමින් ප්රංශ ජනාධිපති එමානුවෙල් මැක්රොන් මහතා සිය දකුණු පැසිෆික් කලාපයේ සංචාරයෙන් අනතුරුව ඊයේ ශ්රී ලංකාවට පැමිණීම ඓතිහාසික අවස්ථාවක් ලෙස සටහන් වූවා.
මෙහිදී ජනාධිපති රනිල් වික්රමසිංහ මහතා විසින් ප්රංශ ජනාධිපතිවරයාව ඉතා සුහදශීලිව පිළිගත් අතර පැයකුත් විනාඩි පහළොවකට ආසන්න කාලක් නායක දෙපළ සුහද සහ සාර්ථක ද්විපාර්ශ්වික සාකච්ඡවක ද නිරත වූ බව සදහන් .
ප්රංශය සහ ශ්රී ලංකාව අතර රාජ්ය තාන්ත්රික සබඳතාවල 75 වන සංවත්සරය සමරන මෙම අවස්ථාවේ දෙරට අතර ද්විපාර්ශ්වික සබඳතා තවදුරටත් ශක්තිමත් කර ගැනීම පිළිබඳ මෙහිදී විශේෂ අවධානය යොමු කෙරුණා .
ජාත්යන්තර සබඳතාවන්හිදී ප්රංශයේ මැදිහත්වීම අගය කළ ජනාධිපති රනිල් වික්රමසිංහ මහතා විශේෂයෙන් දේශගුණික විපර්යාස අවම කිරීම, විදේශ ණය ප්රශස්තකරණය සහ ඉන්දු-පැසිෆික් කලාපයේ ගැටලු පිළිබඳ දක්වන සහයෝගය ද අගය කලා.
මෑතකදී ප්රංශයේ පැවැත්වූ නව ගෝලීය මූල්ය සම්මුතියක් සඳහා වූ සමුළුව අතරතුරදී ජනාධිපති රනිල් වික්රමසිංහ මහතා සමඟ පැවැත්වූ සාකච්ඡාව පිළිබඳව ද ප්රංශ ජනාධිපති මැක්රොන් මහතා සිහිපත් කරමින් ශ්රී ලංකාවේ ආර්ථික සංවර්ධනය සඳහා සහය දිමට ප්රංශයේ කැපවීම යළිත් තහවුරු කළ අතර ශ්රී ලංකාවේ සිව්වන විශාලතම ණය හිමියා ලෙස ප්රංශය, ණය ප්රතිව්යුහගත කිරීමේ ක්රියාවලියට සහය ලබා දෙන බවටද දන්වා සිටියා.
දේශපාලන, ආර්ථික, සංචාරක, දේශගුණික විපර්යාස, තිරසාර සංවර්ධනය සහ සමුද්රීය ක්රියාකාරකම් ඇතුළු විවිධ ක්ෂේත්රවල අතර සහයෝගීතාව ශක්තිමත් කර ගැනීම පිළිබඳව නායකයින් දෙපළ මෙහිදී දීරඝ ලෙස සාකච්ඡා කල බවත් ප්රංශය සහ ශ්රී ලංකාව අතර රාජ්ය තාන්ත්රික සබඳතාවල 75 වන සංවත්සරය වෙනුවෙන් දෙරට අතර සහයෝගීතාව තවදුරටත් වර්ධනය කර ගැනීම සඳහා සමුද්රීය ආරක්ෂාව සහ සුරක්ෂිතතාව සඳහා අධ්යාපන ආයතනයක් පිහිටුවීම, සංවර්ධනය සඳහා වූ ප්රංශ නියෝජිතායතනයක් (AFD) ශ්රී ලංකාව තුළ ස්ථාපිත කිරීම, ඉහළ මට්ටමේ රාජ්යතාන්ත්රික සංවාද ආරම්භ කිරීම, අධ්යාපන ක්ෂේත්රයේ සහයෝගීතාව සහ සාගරය ආශ්රිත මිනිස් ජාවාරමට මැඩ පැවැත්වීමේ උත්සාහයන් වැඩිදියුණු කිරීම යනාදිය ක්ෂේත්රවලට ඇතුළත් කටයුතු ඉදිරියේදී සිදු කිරීමටත් වැඩිදුරටත් සාකච්ඡා කළා.
ප්රංශය සාමාජිකත්වය දරණ ඉන්දීය සාගර කලාපීය සංගමයේ (IORA) ඉදිරි සභාපතිත්වය අතරතුර ශ්රී ලංකාව සමඟ සහයෝගයෙන් කටයුතු කිරීමට ප්රංශය දැඩි උනන්දුවෙන් පසුවන බවද ප්රංශ ජනාධිපතිවරයා පැවසීය.
2023 ජුනි 22 සිට 23 දක්වා ජනාධිපති මැක්රොන් විසින් පැරිස් නුවරදී සංවිධානය කළ නව ගෝලීය මූල්ය ගිවිසුමක් සඳහා වන සමුළුව ඉතා කාලෝචිත බව ඊට සහභාගී වුවෙකු වශයෙන් අගය කරන බව ජනාධිපති රනිල් වික්රමසිංහ මහතා පැවසීය.
මෙම සාකච්ඡාවලින් අනතුරුව ප්රංශ ජනාධිපති එමානුවෙල් මැක්රොන් මහතා ට්විටර් පණිවුඩයක් නිකුත් කරමින්, “ශ්රී ලංකාව සහ ප්රංශය ඉන්දියන් සාගරයේ එකම අරමුණක් වන විවෘත, විස්තීර්ණ සහ සමෘද්ධිමත් ඉන්දු- පැසිෆික් කලාපයක් බෙදා ගන්නා රටවල් දෙකකි: කොළඹදී අපි එය තහවුරු කළා: අපගේ 75 වසරක රාජ්ය තාන්ත්රික සබඳතා ශක්තිමත්ව, අපගේ හවුල්කාරිත්වයට නව යුගයක් විවෘත කරන්නෙමු ” යනුවෙන් සඳහන් කර තිබුණි.