වසර 4 ක උපාධියක් සමග ගුරුවන් බිහි කරන බව අධ්යාපන අමාත්ය ආචාර්ය සුසිල් ප්රේමජයන්ත මහතා පවසයි.
ඒ අනුව මේ වන විට පවතින විද්යාපීඨ 19 ම ඉදිරියේ දී ගුරුවරුන් බිහි කරන විශ්වවිද්යාල පීඨ බවට පත් කෙරෙනු ඇති අතර විශ්වවිද්යාල ප්රතිපාදන කොමිෂන් සභාවේ පිළිගැනීම සහිත ව අධ්යාපන අමාත්යාංශය යටතේ එය සිදු කරන බව අමාත්යවරයා පැවසී ය.
වෙනත් විශ්වවිද්යාලවල මෙන් වෘත්තීය සංගම් හදාගැනීමට අවසරයක් නොලැබෙන බවත් ඊට හේතුව මෙම විශ්විද්යාලය මගින් බිහි කරන්නේ ගුරුවරුන් බවත් පැවසීය.
විනයක් සහිත පිරිසක් බිහි කිරීම මුලික බවත් උපාධිධාරී ගුරුවරයෙකු මෙයින් බිහිවන බවත් අමාත්යවරයා මෙහි දී අවධාරණය කළේ ය.
අමාත්යවරයා මේ බව සඳහන් කළේ වයඹ පලාතේ අධ්යාපන ගුණාත්මක සංවර්ධනය සඳහා විදුහල්පතිවරුන් දැනුවත් කිරීමේ වැඩසටහනකට අද (11) හලාවත සුදසුන රංග ශාලාවේ දී එක්වෙමිනි.
මෙම අවස්ථාවට වයඹ පලාත් ආණ්ඩුකාර ලක්ෂ්මන් යාපා අබේවර්ධන මහතා, නාගරික සංවර්ධන හා නිවාස රාජ්ය අමාත්ය අරුන්දික ප්රනාන්දු මහතා , පාර්ලිමේන්තු මන්ත්රීවරුන් වන දයාසිරි ජයසේකර, චින්තක මායාදුන්න, අලි සබ්රි රහීම්,යන මහත්වරු ඇතුලු අධ්යාපන අමාත්යාංශයේ නිලධාරීන් පිරිසක් සහභාගි වූහ.