පොලිස්පති සී.ඩී.වික්රමරත්න ධුරයෙන් ඉවත් කිරීමට ආණ්ඩුක්රම ව්යවස්ථා සභාව ගත් තීරණය නැවත ආපසු හරවමින් පොලිස්පතිවරයා ධුරයේ පිහිටවීමට ජනාධිපති රනිල් වික්රමසිංහ මහතා පියවර ගෙන ඇත .
ආණ්ඩුක්රම ව්යවස්ථා සභාව මෙම තීරණය ගෙන ඇත්තේ ආරක්ෂක අමාත්යවරයා ලෙස ජනාධිපති රනිල් වික්රමසිංහ මහතා ද පොලීසිය බාරව සිටින මහජන ආරක්ෂක අමාත්ය ටිරාන් අලස් මහතා ද දිවයිනේ නොමැති අවස්ථාවේදී ය.
පොලිස්පතිවරයා ලෙස සී.ඩී.වික්රමරත්න යළි පත් කිරීමට අදාළ විධිවිධාන ක්රියාත්මක කිරීම සඳහා ජනාධිපති රනිල් වික්රමසිංහ මහතා චීනයේ සිට අවශ්ය නියෝග සියල්ලම වහාම ක්රියාත්මක වන පරිදි ලබා දි ඇත .
ආරක්ෂක අමාත්යවරයා ලෙස ජනාධිපති රනිල් වික්රමසිංහ මහතාත් පොලිසිය බාර අමාත්යවරයා ලෙස ටිරාන් අලස් මහතාත් දිවයිනේ නො සිටින අවස්ථාවක පොලිස්පතිවරයා ඉවත් කිරීමට ආණ්ඩුක්රම ව්යවස්ථා සභාව කටයුතු කිරීම බරපතළ වරදක් බවත් ජනාධිපති රනිල් වික්රමසිංහ මහතා දින 2 කින් පැමිණීමට තිබියදී පොලිස්පතිවරයා ඉවත් කිරීම කුමන්ත්රණයක ප්රතිඵලයක් බවට ප්රබල සැක කරන බවත් පැවසීය.
ධුර කාලය ඉක්ම ගොස් තිබූ පොලිස්පති සී. ඩී .වික්රමරත්න මහතාට තවත් සති තුනක් සඳහා සේවා දිගුවක් ලබා දීමට මීට පෙර දී පියවර ගෙන තිබිණි.