ලෝක කුසලාන තරගාවලියේදී ශ්රී ලංකාව දැක්වූ දුර්වල දස්කම් හා ශ්රී ලංකා ක්රිකට් ආයතනයේ පැවති නොසන්සුන්කාරී තත්ත්වය හේතුවෙන් ජාත්යන්තර ක්රිකට් ආයතනය ( ICC) ශ්රී ලංකාවට ක්රිකට් තහනම් කිරීමට තීරණය ගෙන ඇත.
සිකුරාදා රැස්වීමට සහභාගී වූ ශ්රී ලංකා ක්රිකට් ආයතනයේ සභාපති ෂම්මි සිල්වා ICC පාලක මණ්ඩලයෙන් කල ඉල්ලිම හේතුවෙන් ශ්රී ලංකා ක්රිකට් තහනම් කිරිමේ තිරණයට එළඹි බව ICC ය සදහන් කරයි .
ශ්රී ලංකා ක්රිකට් පාලක මණ්ඩලයේ ( SLC) පරිපාලනයට රජය විසින් කරන ලද පුළුල් මැදිහත්වීම හේතුවෙන් ICC විසින් වහාම ක්රියාත්මක වන පරිදි ශ්රී ලංකා ක්රිකට් අත්හිටුවා ඇත.
අහමදාබාද්හි පැවැත්වෙන ICC රැස්වීම් සඳහා ICC මණ්ඩලය විසින් ශ්රී ලංකා ක්රිකට් නියෝජිතයින්ට නිරීක්ෂකයෙකු ලෙස සහභාගී වීමට අවසර දී ඇත.
අද ICC රැස්වී ශ්රී ලංකා ක්රිකට් ආයතනය එහි සාමාජිකයෙකු ලෙස එහි වගකීම් බරපතල ලෙස උල්ලංඝනය කරමින් සිටින බව තීරණය කරන ලදි.
විශේෂයෙන්ම එහි කටයුතු ස්වාධීනව කළමනාකරණය කිරීමේ අවශ්යතාවය සහ පාලනය, නියාමනය හා පරිපාලනය තුළ රජයේ මැදිහත්වීමක් නොමැති බව සහතික කිරීම ICC ය බලාපොරොත්තු වේ.
සඳුදා, ශ්රී ලංකාවේ ක්රීඩා අමාත්ය රොෂාන් රණසිංහ විසින් ශ්රී ලංකා ක්රිකට් පාලක මණ්ඩලය ඉවත් කර අර්ජුන රණතුංගගේ ප්රධානත්වයෙන් අතුරු කමිටුවක් ස්ථාපිත කර ඇතත්, ශ්රී ලංකා අධිකරණය විසින් එය විසුරුවා හරිමින් දින 14 ක තහනම් නියෝගයක් නිකුත් කිරීම සිදු වි ඇත
එතැන් පටන් ශ්රී ලංකා ක්රිකට් ආයතනයේ කටයුතු එරට පාර්ලිමේන්තුවේ දී දීර්ඝ ලෙස විවාදයට ගැනිණි.
මීට පෙර 2014 සිට 2015 දක්වා අතුරු කමිටුවක් ක්රියාත්මක වූ අවස්ථාවේදී, ICC විසින් ශ්රී ලංකා ක්රිකට් ආයතනයට ගෙවිය යුතු අරමුදල් එස්ක්රෝවේ තැබීමට හේතු වූ අතර, අධ්යක්ෂ මණ්ඩල රැස්වීම්වලදී ශ්රී ලංකා ක්රිකට් ආයතනය නිරීක්ෂක තත්ත්වයට පහත හෙලු නමුත් ඔවුන් නිල වශයෙන් ICC හි සාමාජිකත්වය අත්හිටවුයේ නැත.
1973 සිට ක්රියාත්මක වන ජාතියේ ක්රීඩා නීතියට අනුව සියලුම ශ්රී ලංකා ජාතික කණ්ඩායම් අනුමත කිරීමේ කාර්යභාරය ශ්රී ලංකාවේ ක්රීඩා අමාත්යවරයා සතු වේ.
ශ්රී ලංකා ක්රිකට් ආයතනයේ ප්රධාන විධායක ඈෂ්ලි ද සිල්වා මේ සම්බන්ධයෙන් අදහස් දැක්වීම ප්රතික්ෂේප කළේය.
ICC විසින් මෙම සම්බාධක “අත්හිටුවීමක්” ලෙස නම් කර ඇතත්, ඇත්ත වශයෙන්ම එය අනතුරු ඇඟවීමකි. ICC ශ්රී ලංකා ක්රිකට් පවත්වාගෙන යාමට තවදුරටත් රජය මැදිහත් වීම වැළැක්වීමට උත්සාහ කරයි.
ICC හි කාර්තුමය රැස්වීම් නොවැම්බර් 18 සිට 21 දක්වා අහමදාබාද්හිදී පැවැත්වීමට නියමිත අතර මීළඟ ක්රියාමාර්ගය නොවැම්බර් 21 වැනිදා ICC මණ්ඩලය රැස්වූ විට තීරණය කරනු ඇත.