මහනුවර බෝගම්බර බන්ධනාගාරය හෝටල් පරිශ්රයක් බවට පත්කිරීම සදහා පෞද්ගලික ආයෝජකයකු ඉදිරිපත් වී ඇතැයි නාගරික සංවර්ධන සහ නිවාස අමාත්යාංශය සදහන් කරයි.
බෝගම්බර බන්ධනාගාරය සංවර්ධන කටයුතු සදහා නාගරික සංවර්ධන අධිකාරියට පවරන ලද්දේ වර්ෂ 2014 දීයි.එම අධිකාරිය යටතේ ක්රියාත්මක වන විසල් මහනුවර සංවර්ධන සැලැස්ම හා මහනුවර නගර සංවර්ධන සැලැස්ම යටතේ එය ප්රතිසංවර්ධන කටයුතු ක්රියාත්මක කෙරෙන බවත් එහි පෞරාණික බව රැකගනිමින් සංවර්ධන ව්යාපෘති ක්රියාත්මක කිරීමට අපේක්ෂා කරන බව නාගරික සංවර්ධන හා නිවාස අමාත්ය ප්රසන්න රණතුංග මහතා පවසයි
යටත් විජිත ගෘහ නිර්මාණ ශිල්පය රැකගනිමින් බන්ධනාගාරයේ ප්රධාන ගොඩනැගිල්ල සංරක්ෂණය හා සංවර්ධනය කිරීමට සැලසුම් කර තිබෙන අතර විවෘත හා විනෝදාත්මක පහසුකම් සහිත පරිශ්රය සාමාන්ය ජනතාව සදහා විවෘත කිරීමත් සමගින් එහි ආර්ථික වටිනාකම ඉහළ නැංවීම මෙම ව්යාපෘතියේ අරමුණු බව නාගරික සංවර්ධන අධිකාරියේ මධ්යම පළාත් අධ්යක්ෂ ඊ.එම්.එස්.බී ඒකනායක මහතා සදහන් කරයි
බන්ධනාගාර ප්රධාන පරිශ්රය ෂොපින් මෝල්, ෆුඩ් කෝට්, කෞතුකාගාරය සහ සංචාරක හෝටලය ඇතුළත් වාණිජ ගොඩනැගිල්ලක් ලෙස සංවර්ධනය කිරීමට යෝජිතය.